Almenn kvíðaröskun

Almenn kvíðaröskun einkennist af þrálátum áhyggjum af hinu og þessu, jafnvel því að hafa áhyggjur af áhyggjunum sjálfum. Fólk finnur fyrir a.m.k. þremur af eftirfarandi einkennum: Eirðarleysi, vöðvaspennu, pirringi, svefntruflunum og þreytu. Fólk á erfitt með að slaka á og er stöðugt áhyggjufullt. Um það bil 3% fólks fær almenna kvíðaröskun einhverntímann á ævinni og helmingi algengara að konur séu þar á meðal. Kvíðinn er oft vangreindur þar til fólk leitar sér aðstoðar vegna afleiðinga kvíðans eins og líkamleg óþægindi er varða svefn og vöðvaspennu. Áhyggjurnar geta komið fram í áhyggjulotum þar sem fólk er í þungum þönkum frá nokkrum mínútum í allt að nokkrar klukkustundir, eða að fóllk upplifir sig áhyggjufullt almennt. Þótt fólk sé ekki undir sérstöku álagi geta áhyggjurnar verið meiri en aðstæður gefa tilefni til. Þá eiga áhyggjur það til að magnast upp, þannig að áhyggjur af einu máli geta leitt til óþægilegri og óþægilegri áhyggna. Áhyggjurnar beinast  oftast sérstaklega því sem skiptir fólki máli eins og ástvini, heilsu og framtíðinni.

Ef einstaklingur hefur verið óhóflega kvíðin(n) eða áhyggjufull(ur) vegna margvíslegra málefna undanfarna sex mánuði? Eða á átt erfitt með að láta af áhyggjunum er mögulegt að um almenna kvíðaröskun sé að ræða. Sérstaklega ef vandinn er farinn að hafa veruleg áhrif á  líf og líðan viðkomandi. Kvíðinn tengist amk þremur af eftirtöldum einkennum:

  1. Eirðarleysi, vera á nálum
  2. Þreytist auðveldlega
  3. Einbeitingarerfiðleikar
  4. Pirringur
  5. Vöðvaspenna
  6. Svefntruflanir

Hugræn atferlismeðferð hefur reynst árangursrík í meðferð kvíðaraskana. Meðferðarformið  hefur verið í örum vexti og útbreiðslu síðasta aldarfjórðunginn og byggist á fjölda árangursrannsókna. Hugræn atferlismeðferð byggist á því grundvallaratriði að hugsun okkar hefur mikil áhrif hvernig okkur líður og hvernig við hegðum okkur.

Sótt af www.gedhjalp.is/fraedsla/gedraskanir/kvidi/almenn-kvidaroskun/