Húsreglur

HVER OG EINN BER ÁBYRGÐ Á SINNI FRAMKOMU
– Í Björginni ríkir trúnaður. Ekki skal ræða málefni annarra utan Bjargarinnar.
– Ekki skal deila vandamálum sínum með öðrum félögum.
– Félagar skulu ekki spyrja hvorn annan of persónulegra spurninga, allir hafa rétt til að segja:
,, Ég kýs að svara ekki þessari spurningu.“

OPNUNARTÍMI
– Mánudaga, miðvikudaga og föstudaga frá kl. 9.30 – 15.30.
– Þriðjudaga og fimmtudaga frá kl. 8.30 – 15.30.
– Klukkan 15:00 skal hefja frágang. Allir ganga frá eftir sig.
– Klukkan 15:30 skulu allir vera komnir út.

ÞJÓNUSTUGJALD – 2.000 kr.
– Félagar sem sækja þjónustu í Björginni verða að borga þjónustugjald fyrir hvern mánuð.
– Þjónustugjaldið er ætlað til að greiða fyrir kaffi, aðstöðu, þjónustu, efniskostnað o.fl.
– Gjaldið þarf að vera greitt ef taka á þátt í viðburðum í Björginni.

HÁDEGISMATUR (ekki í júní, júlí og ágúst)
– Hádegismatur er á mánudögum, miðvikudögum og föstudögum frá kl. 12.00 – 12.30.
– Greiða þarf í upphafi mánaðar 6.000 kr. fyrir matinn.
– Ekki er hægt að greiða fyrir stakar máltíðir né ákveðna daga í mánuðinum.

SÍMANOTKUN Í BJÖRGINNI OG TÓNLIST
– Sími Bjargarinnar er ekki ætlaður til einkanota nema í neyðartilvikum.
– Hringingar á einkasímum skulu vera lágar og fara skal afsíðis til að tala.
– Inn í Iðju er ekki heimilt að spila tónlist og myndbönd á símum. Nema nota heyrnatól.
– Ef verið er að hlusta á tónlist í tölvunni, þá skal nota heyrnatól nema það henti öllum í kring.

UMGENGNI
– Hver og einn gengur frá eftir sig, til dæmis á salernum, í iðju, í matsal og öllum matarílátum og kaffibollum.
– Ekki er tekin ábyrgð á persónulegum munum. Það sem er skilið eftir er sett í skáp hliðina á fatahenginu. Óskilamunum er hent reglulega.
– Eigur Bjargarinnar eru ekki til útláns.
– Ekki er leyfilegt að geyma persónuleg gögn í tölvum.
– Reykingar eru eingöngu leyfðar í reykkofa.
– Ekki er leyfilegt að reykja upp við húsið.
– Notkun rafretta er óheimil innandyra.

HREINLÆTI
– Hreinlæti eykur vellíðan, gerð er krafa um persónulegt hreinlæti.

HEIMSÓKNIR ERU LEYFILEGAR Í SAMRÁÐI VIÐ STARFSMENN
– Börn skulu ekki vera eftirlitslaus um húsið né dvelja lengur en 30 mínútur.
– Ekki er leyfilegt að koma með dýr inn í Björgina eða á lóð Bjargarinnar.

NEYSLA ÁFENGIS OG VÍMUEFNA ER BÖNNUÐ
– Ekki er leyfilegt að vera undir áhrifum áfengis- eða vímuefna.
– Ef vart verður við slíkt skal gera starfsmanni viðvart.

ÞJÓFNAÐUR ER EKKI LIÐINN
– Ef upp kemst um þjófnað skal það í öllum tilvikum tilkynnt til lögreglu.

PERSÓNULEGAR SKOÐANIR
– Skoðanir á trúmálum og stjórnmálum skal hver og einn hafa fyrir sig.

STARFSMENN
– Ekki er leyfilegt að hringja í einkasíma starfsmanna
– Ekki er leyfilegt að bæta starfsmönnum við sem vinum á samfélagsmiðlum, eins og Facebook, Snapchat, Instagram o.þ.h.