DAGSKRÁ  –  Janúar 2012

Guðrún Greipsdóttir starfsmaður í Björginni frá 2006 er nú hætt störfum vegna aldurs. Hennar verður sárt saknað úr starfinu en við hlökkum til að fá hana í heimsóknir.

Félagar og starfsfólk í Björginni þakka hlýhug og velvilja í garð starfseminnar á liðnum árum og óskum við öllum gleðilegra jóla og farsældar á komandi ári.

Vakin er athygli á breyttum opnunartíma í Björginni. Frá og með 7. nóvember er Björgin opin frá 9:30 – 15:30.

Hafdís Guðmundsdóttir félagsráðgjafi hefur nú tekið við starfi forstöðumanns í Björginni. Við fögnum því og bjóðum hana velkomna til starfa. 

Vor 2012:           

Byrjað er að taka á móti umsóknum í Hugræna atferlismeðferð við þunglyndi og kvíða sem hefst 17. janúar næstkomandi, sótt er um með tölvupósti á hulda@bjorgin.is  eða í síma 4216744. Vinsamlegast takið fram nafn, kennitölu og símanúmer. Námskeiðið varir í 6 vikur, kennt er einu sinni í viku á þriðjudögum frá 9:45-11:45 í sal Bjargarinnar Suðurgötu.

Einnig er byrjað að taka á móti umsóknum í Geðræktarskólann sem hefst í mars 2012.  Sótt er um með tölvupósti á unnur@bjorgin.is  eða í síma 4216744. Vinsamlegast takið fram nafn, kennitölu og símanúmer. Námsleiðin varir í 5 vikur, kennt er fjóra daga vikunnar í tvo tíma í senn.

Markmiðshópur í Björginni á miðvikudögum klukkan 11:00. Umsjón Hulda Sævarsdóttir sálfræðingur og Unnur Svava Sverrisdóttir félagsfræðingur. Hópurinn er opinn fyrir félaga í Björginni. Næsti hópur fer af stað miðvikudaginn 9. nóvember.

Hulda Sævarsdóttir sálfræðingur sér um utanumhald endurhæfingar í Björginni og jafnframt veitir hún einstaklingsviðtöl gegn gjaldi. Tímapantanir í síma 4216744 eða á hulda.saevarsdottir@reykjanesbaer.is

Handverk og listir – Tobba listakona og Ólafur Ingi Brandsson hafa unnið að skúlptúrlíkani með fleiri félögum úr Björginni og verður líkanið til sýnis í Duus húsum.

Björgin – Geðræktarmiðstöð Suðurnesja er endurhæfingarúrræði fyrir fólk með geðheilsuvanda. Endurhæfingin er einstaklingsbundin og er helsta markmið hennar að hjálpa einstaklingum til sjálfshjálpar.

Það eru allir velkomnir að koma og fá ráðgjöf í Björginni. Starfsfólk veitir upplýsingar um frekari leiðir og úrræði sem standa til boða, innan sem utan Bjargarinnar. Björgina má sækja á eigin forsendum eða með tilvísun frá fagaðila.

Hægt er að panta ráðgjafarviðtal í síma 421-6744.

Björgin er opin frá 10:00 til 16:00 alla virka daga.

Markmið Bjargarinnar eru:

• Að rjúfa félagslega einangrun
• Að efla sjálfstæði einstaklinga
• Að auka samfélagsþátttöku einstaklinga
• Að draga úr stofnanainnlögnum
• Að auka þekkingu almennings á geðheilbrigðismálum
• Að þjálfa einstaklinga í atvinnutengdri hegðun og endurhæfa þá til náms eða út á vinnumarkað.

Hér má sjá kynningarmyndband um Björgina

Saga Bjargarinnar

Björgin hóf starfsemi sína í húsnæði Sjálfsbjargar að Fitjabraut 6c þann 4. febrúar 2005. Starfsemin hófst sem samstarfsverkefni Reykjanesbæjar, Svæðisskrifstofu málefna fatlaðra á Reykjanesi og Sjálfsbjargar á Suðurnesjum. Starfsemin hefur einnig notið víðtæks samfélagslegs stuðnings frá fyrirtækjum, félagasamtökum og einstaklingum, en sá stuðningur er afar mikilvægur.

Aukin styrkur og útbreikkun þjónustunnar

Í byrjun árs 2008 samþykkti Félags- og Tryggingamálaráðuneytið, öll sveitafélögin á  Suðurnesjum og Heilbrigðisstofnun Suðurnesja að koma að rekstri Bjargarinnar. Með tilstuðlan þess stuðnings voru ráðnir tveir starfsmenn í Björgina í tvö 100% stöðugildi og eru starfsmenn fimm í alls 4 stöðugildum. Björgin hefur á þessum þremur árum sem liðin eru frá opnun vaxið hratt og er upprunalegt húsnæði sprungið utan af starfseminni. Aukin stuðningur við Björgina hefur orðið til þess að starfsemin er nú frá og með maí 2008 komin í stærra og betra húsnæði á Suðurgötu 12 og 15. Um er að ræða tvö húsnæði sem standa til móts við hvort annað. Í kjölfar flutninga verður nú mögulegt að þjónusta með enn betri hætti þann breiða hóp sem nýtir sé þjónustu af einhverju tagi í Björginni.

Björgin – Geðræktarmiðstöð Suðurnesja.  Suðurgötu 12 og 15.

Sími: 421-6744.  Netfang: bjorgin@bjorgin.is